السبت، 29 نوفمبر 2008

البداية

السلام عليكم ورحمة الله وبركاته
اهلا بك يا زائر المدونخانة
حللت اهلا ونزلت سهلا
دي يمكن اول مرة تشوف مدونتي بس لعلمك المدونة دي هتشوف فيها كل المدونات ازاي
هو انت هتسرقي المدونات والا ايه
طبعا لا
اصل الحكاية وما فيها
اني ببدأ حياتي الصحفية والحمد لله ربنا وفقني وقدرت الاقي حد يقدر شغلي ويخصصلي نص صفحة بحالها
في ملحق "تيلي بيزنس" اللي بيصدر كل خميس مع جرنال العالم اليوم
يا فرحتيىىىىىىىىىى
طب واحنا مالنا بكل ده؟؟؟
مالكم ازاي
ما هو نص الصفحة ده هيكون عنكم
عن المدونين عن عالم المدونات
هنعرض فيه
كل حاجة واي حاجة خاصة بالمدونين حياتهم ومدوناتهم وازاي بدأوا يكتبوا
وايه المشاكل اللي واجههوها مع اول يوم تدوين
نفسي بجد اعبر عنكم
وعن جيلنا من الشباب
اللي لقا فرصة التعبير عن نفسة في المدونات
يلا كفاية كدة عشان مطولش عليكم
وان شاء الله ابقي افيدكم باخر التطورات

هناك 5 تعليقات:

Unknown يقول...

الف شكر يا سمسمه بجد
مش عارفه اقولك ايه ده كتير حقيقي
ربنا يخليكي يا قمره وان شاء الله اشتريها واكون اول المشجعين والمعلنين عنها
بجد متشكره جدا ومبسوطه جدا

mohamed ghalia يقول...

مبروك يا اسماء
وإن شاء الله للأمام دائما
ومتشكر جدا على إهتمامك بمدونتى
تحياتى
بالتوفيق دائما
أخوكى محمد

كيكى عوووووو يقول...

مبروك على المدونة
وفكرة جميلة جداااااا
والى الامام يا صحفية المستقبل
دومتى بخير
عووووووووووووو

قلم رصاص يقول...

ألف ألف مبروك يا أستاذه أسماء على البلوج بتاعتك

واتمنى لك التوفيق في عالم الاعلام البديل او اكوني او زي ماتسميه
المهم انك بقيتي واحده منه وخلاص

وانتي بقى مش أي حد ..لالالالا.. دا انتي صحفية ..ودي تفرق كتير جدا عن اي حد غيرك..لأنك هتدوني بأسلوبك الصحفي واكيد هيبقى ليكي اتجاه معين اياكان هو ايه


انا من المتابعين جدا للصحافة الاقتصادية وعلى رأسها العالم اليوم ..يعني متابعينك متابعينك ان شاء الله


واتمنى تصلي لمكانة رفيعه في بلاط صاحبة الجلاله .. بس امانة متنسيش اخواتك الغلابة بقى هههههههههههههه

تقبلي مروري الاول على مدونتك

ويسعدني زيارتك لمدونتي المتواضعه

تقبلي تحياتي

http://2lamrosas.blogspot.com/

اسماء يقول...

متشكرة جدا يا جماعة والله اخجلتم تواضع حضرة صاحبة السعادة المبجلة اسماء
بجد مش عارفة اقولكم ايه فرحتوني بانكم دخلتو ونورتو المدونخانة ويا ريت تتابعوها بقا وتقولولي ارائكم اللى هستفيد منا ان شاء الله
ادعولى بقاااااااااا