الثلاثاء، 24 مارس 2009

وحشتوووووووووووونى

يااااااااااااه من زمان مجتش ولا علقتش بس الواحد عرف اد ايه المدونة دي بتخلق حالة غريبة اوي من الارتباط برغم من اني مش بقالي كتير ف الموضوع ده وبرغم من ان الموضوع بالنسبة لي مش تدوين جامد بس بجد وحشتيني يا مدونتي وكل الزوار برضه وحشوني
ندخل بقا ف الموضوع بصوا بقا يا شباب
فكرت ف طرح سؤال يكون تحقيق العدد الجاي
ان شاء الله
بنكلم فيه عن سؤال بسيط جدا
لو لم تكن مدونا لوددت ان تكون؟؟؟
ها عاوزة اعرف رايكم ايه
وممكن الواحد ارتباطه بالمدونة يخليه يقول انه لو لم يكن مدونا لود ان يكون مدونا؟!!
ها ايه اراءكم

هناك 14 تعليقًا:

المـــفـــــــقــــــــوعـــــة مــرارتـهــا يقول...

لو لم أكن مدوناً لكنت الآن نكرة لا يعلم أحد مالذي يدور داخل دماغها، ولعشت حياتي وأنهيت سنواتها وأنا شخصية مجهولة الهوية.

لو لم أكن مدوناً لكنت ست بيت مكتئبة تعاني من الضغط العصبي والإحباط.

لو لم أكن مدوناً لكنت أغلي داخلياً من مشاكل خاصة وعامة ولما وصلت شكواي إلي أحد ولمت كمداً وحسرةً من قسوة الدنيا ومافيها.
لو لم أكن مدوناً لما خرجت موهبتي إلي النور ولما أعلنت عن وجودها، ولما تطورت وأصبح لها متابعين يصل عددهم بالألاف.

لو لم أكن مدوناً لكنت الآن نزيلة مستشفي العباسية عن استحقاق وجدارة وبدون واسطة كمان.

لو لم أكن مدوناً لما تعرفت علي أجدع ناس وأفضل بشر في الوجود، ناس يهبون للمساعدة دون أن تلح في طلبها، ناس تجدهم في ساعات الحزن والألم كأفضل سند، ناس يحبونك في الله دون أن يرونك رؤي العين، ناس نسي الحقد قلوبهم وتركهم ناصعي البياض.
لو لم أكن مدوناً لما خرج كتابي الأول للنور حتي لو خبطت رأسي في الحائط مائة ألف مرة ومرة.
لو لم أكن مدوناً لما كنت حفرت لنفسي مكاناً في الصخر ووضعت اسمي في قائمة الكتاب الشباب.
لو لم أكن مدوناً لوددت أن أكون ألف ألف مدوناً.
سحر غريب
حماتي ملاك

مسدس صغير يقول...

التدوين حياة مختلفة تماما عن الحياة العادية.
التدوين الجيد بيخلق حالة من التتابع الفكرى والتواصل مع المدونين والاشتراك الفكرى المتميز
التدوين فكر مستنير وعقل واعى
التدوين اجتماع شبه عائلى يدرك ذلك من يقابل مدونا ويعلم انه مدونا فترى كيف يقابل كل منهما الاخر بحب شديد وكأنه احد افراد عائلته
هكذا يفعل التدوين واكثر.
اذا لو لم اكن مدونا لوددت ان اكون مجموعة مدونين..
احييكى على الفكرة مودتى

adel يقول...

ياهلا بيكي هنا تاني
انا كتبت رائ في توبيك علي جروب الفيس بؤ :):)

قشطات

و علي فكرة : المدونات بتعمل علاقات غريبة بين الناس .... و حتي اسلي اصحابك المدونين و هما هيقولولك

غير معرف يقول...

لو لم أكن مدونة لتمنيت أن أكون طير احط على شباك كل المدونين واقرا الي بيكتبوه من غير ما ياخدوا بالهم، علشان اعيش خبرة معشتهاش واعرف ناس لو عشت عمره كله مكنتش هعرفهم الا عبر المدونات واحمد الله على هذه النعمة التي جعلتني ذات خبرة اكبر وارى العالم السليم الصح من خلالهم حفظهم الله لي ودموا بكل الخير

د. ياسر عمر عبد الفتاح يقول...

جمال التدوين إنه لايتعارض مع أى حاجة
يعنى أنزل بليل .. أنزل الصبح
أوقف براحتى .. وارجع تانى
يعنى الكلمة نفسها حاسس إن مش مظبوطة

بس ينفع نقول الشطر الأول
لو لم أكن مدوناً .. لماتت الأفكار حبيسةً بين ثنايا عقلى

Eslam Eldosoky يقول...

أحم أحم
لو أكن مدوناً
لوددت أن أكون مصرياً
غريبة شوية الجمله دي
بس هي دي الحقيقة
التدوين بالنسه لي أنتماء
والمدونه بتاعتي أصبحت وطني

لو لم أكن مدونأ لكنت هحس بالغربة

شكراً علي الطرح الجميل
تحياتى

حسام غانم يقول...

هي الفكرة فعلا

إن التدوين ده مش تصنيف للبني آدم أو انتماء

ده اخراج للأفكار والأحاسيس والآراء

في صورة مكتوبة

وبالتالي المدونين مش أشخاص مختلفين عن الناس

بس نقدر نقول إن التدوين بيرتب أفكار الواحد ويخرج عواطفه المكبوتة

وكمان بيطلع على أفكار وآراء أخرى في العالم التدويني

Shreef يقول...

السلام عليكم

اؤيد رأي حسام غانم و بشدة

تحياتي

sssssssssssss يقول...

يمكن

حلو الواحد يعبر عن رايو بمدونتو اتمنالك كل خير وتقبلي مروري بصفحتك

أبو العريف يقول...

لو لم اكن مدونا

انا اصلا قبل ما ابقي مدونا
كان نفسي ابقي مدونا
قريت كتير عن التدوين في الدستور
بس ما كنتش اعرف ازاي ادون

لحد ما بالصدفه عرفت
وبقيت مدونا

مش عارف الجمله دي فكرتني بجملة واحد
اعرفه
لو لم اكن عربيا
لوددت ان اكون غير ذلك

كيكى عوووووو يقول...

لو لم اكن مدونا لكنت فى جمعية الوفاء ولامل
لكنت من الناس المجنونة الى لابسة شوال وبتجرى وراكم فى الشارع
لكنت من المسجلين خطر ومطلوب القبض عليا
لكنت فى قبرى مع اعمالى السودة
لكنت بشحت قدام محطه مصر
*********************
لكنت بنت عادية جداااااااااااا
بتفكر فى حاجات كتير فى مجتمعها خانقها وبدل ما تفكر با اجابية تفكر بسلبية ولا مبالاه
***بجد محستش انى عايشة او انى انسانة غير لمة دونت وبجد اكتشفت فى نفسى حاجات كتيرررررررررررررررر مكنتش اعرفها فيا
عووووووووووووووووووووو

Noha Abdel aziz يقول...

اما انا بقى بقالى فتره صغيره فى كتابه المدونات بس من يومها وانا حاسه انى لقيت نفسى لقيت حاجه كانت ضايعه منى

voice of love يقول...

عندما قررت فتح نافذة التدوين لم يكن عندى خطة طموحة فى عمل مدونة خاصة ..
ولكن عالم التدوين أشبه ما يكون بالسحر .. انجذبت اليه وقررت الانضمام الى أفراد هذه الأسرة الكبيرة من المدونين ..
ولن أدعى أننى من الضباط الأحرار ،أقصد لم يكن فى مخيلتى أن تكون مدونتى دعوة للتغيير .. الا أنها أصبحت كذلك
ولكنى آثرت التغيير فى نفوس البشر
أحببت أن تكون مدونتى الواحة التى يستريح بها المسافر بين المدونات المختلفة
قررت أن أجعلها راحة للنفوس وتصفية للقلوب
أردتها صوتا للحب ..
وعلى ذلك أصبحت مدونتى ذات روحين ، احداهما للتنفيش عن مشاعر يجيش بها القلب ، والأخرى أداة تغيير للنفوس التى طغت المادة على كل معاملاتها
لو لم أكن مدونا لكنت الآن غارقة فى ظلمة المشاكل الحياتية ..
لو لم أكن مدونا لكنت فاقدة لأسرتى الكبيرة فى عالم التدوين ..
لو لم أكن مدونا لكنت بلا حياة ..
التدوين هو الجليس والأنيس والصديق..
التدوين عالمى الخاص ..
د/ داليا فؤاد

نظرة يقول...

بالتوفيق