ياااااااا جدعان انا قبضت
ولاول مرة في حياتي الصوحفية دي اقبض
والفرحة مش سيعاني
الفرحة نسيتني الرقم الكبييييييييييييييييير اوي اوي اوي
اللى اخدته
نخش بقا في المهم
وهو ايه الاحساس اللى الواحد حسه
مع اول مرتب
طبعا فرحانة جدا وجواية عيل صغير بمصاصة شغال تنطيط
لاول مرة في حياتي بتقالي
خدي تمن شغلك
ومجهودك
تعبك
نزولك وطلوعك
ياااااااااه
احساس حلو اوي يا ناس
كنت مستنياه من زمان اوي
يمكن من اول يوم ليا في الجرنال
كنت مستنية هيقولولي اول مرتب امتي
وبعد اول اعده اكتشفت السر الرهيييييييييييييييب
انتي متخرجة لازم نجربك 3 شهور
مرت 3 شهور من اكتوبر ومازال التجريب مستمرا
بس الحمد لله
اهو الجرب
احم احم
اقصد التجريب جاب نتيجه اهه
والحمد لله
بقت العيشة فل
------------------
حاجة مهمة لازم اقولها
حلو اوى ان الواحد يحب حد ويكتشف ان الحد ده حبه برضه
انا كنت بحب الاستاذ شريف الله يرحمه جدا بس كنت فاكرة اني بحبه عشان بستفيد منه علما وصحافة وكده
لكنه يكون مبادلني نفس الاحساس الابوي ده مكنتش متوقعاه كده
لما حد يبقي بيكلم على مرتبي يوم 30 يناير
ويكتب الورقة يوم 31 يناير الصبح، ويقول خلوها مفاجاه
ويقولي ايه رايك لو نعملك ورقة بخمسين كده
مش حلوين برضه
وتكون وفاته 31 يناير بليل
بجد مش عارفة اقول ايه
ربنا يرحمك
اد كده كنت مهتم بيا
وبمرتبي
واد كده كان شاغلك
يااااااااااااااااااااااااااا
بجد شكرا
شكرا
شكرا
ودعائي ليك هيستمر
على اد ما انا فرحانة اني قبضت
كان نفسي اوي تكون اول اللى يهنوني
بس اقول ع حاجة انا حلمت بيك بتضحك
مش عارفة ده معناه ايه
بس اللى حسيته انك فرحان عشاني
مش عارفة هو الكلام موضح احساسي والا لا
بس هو ده اللى حسيته
وهو ده الى حبيت اقوله
وانا باشاركم اول قبض في حياتي
طبعا كلكم عاوزين حاجة حلوة بس اوعدكم بقا البوست الجاي
هههههههههه
اقصد القبض الجاي لان ده راح ع الاهل والاحباب
هناك 23 تعليقًا:
ههههههههههههههه
مليون مبروك اول قبض
وعقبال المليون جنية
هههههههههه
ابقى طلعى مبلغ زكاه على روحى
:)
مبروك عليكي
مبرووووووووك يا حبيبتي
النص بالنص هههههههه
مبرووووووووووووووووك يا قمر وعقبال كل شهر لما تقبضى وتيجى فرحانة كده
بس انا عارفة ان اول مرة ليها سحرها الخاص
مبروووووووووووووووووووووووك
الف مبروك..ربنا ما يقطعها عادة يا رب.. أنا أول مرتب قبضته من التدريس.. كان تجميع ثلاث شهور مع بعض.. الحمد لله.. اتسرق من جيبي!!!
يا مسهل!
انا عايز كانز وشيبسي عائلي ومولتو لو سمحتي!
محمد غالية
الله يبارك فيك
وادعي بقا اخد اول مليووووووووووووووووون
-----------
محمد حمدي
انت بالذات تسكت خالص
ده انا هفرق شربات ساعتها
هههههههههههه
-------------
توهامي
شكرااااااا يا مان
------------
لادي الجميلة
الله يبارك فيك
ومفيش تنصيص هنا خاللللللص
--------
بسبس الله يبارك فيك يا قمر
فعلا احساسها حلو جدا
والاحلى لما تلاقي الفلوس بتخلص وانت لسة بتفكري في اللحظة اللى قبضت فيها
-----------
حسام باشا
لا لا ايده كله
انا مقدرش ع كده
احنا ممكن نقسمها القبضاية دي مولتو
بعدها
شيبسي وهكذا دواليك
مش هي دواليك برضه
هههههههههههههه
----------------------
يا شباب بجد فرحانة جدا
وفرحانة انكم شاركتوني فرحتي
الشغل ده اتعمل من خلالكم
وانتم لو مكنتوش ف الدنيا لا كنت عرفت اجيب اخبار مدونين ولا عملت الشغل ده وبالتالي مكنتش قبضت
بجد شكراااااا ليكم جدااااااا
ألف مبروك عالقبض
وعقبال الترقية :)
الف الف مبروووك على الماهيه والقبض
والله وبقيتى من الأثرياء يا أسماء اصحاب الدخل
فين بقى عزومه العشا والسيمون فيميه والأسكلوبانيه والكافيار والحاجات دى
أييييه مش فرجت من وسع ؟
.
مليش دعوة
انا عايز نصيبى من المرتب ده بأى شكل لألبها ضلمة دالوقتى حالا.
وايه حكاية الجرب دى سورى اقصد التجريب؟؟
ههههههههه
مليون جنيه اقصد مليون مبروك
مليون جنيه ايه؟؟
دول مرتبك فى القرن التاسع والعشرين..
مبروك على القبض وعلى البوست
الله يبارك فيك يا حسام ادعيلي بقا انط عل الرياسة التحرير ع طول
---------------
صفصف الجميلة
يا بنتي الكلام اللى بتوليه ده محتاج مرتب سنتين ادام
متجمعين ع بعض وبرضه هنغسل اطباق المطعم
ههههههههههه
---------------
مسدس
يا سيدي الله يبارك فيك
وبعدين هانت كلها كام سنة يعني وندخل ع القرن التاسع والعشرين
بش ابقا شاعتها قولي هكبلك ايه من المرتشب بقا
هههههههههههه
الف مبروك على المرتب الهائل اللى قبضتيه ، وحاسبى من عين الحسود، ومن الحامية وعلى فكره انا صحفى زيك واول مرتب اخذته كان الجرنان ولمدة ثلاثة شهور وبعد كده كان 20جنيهالى ان اتعينت واخذت مبلغ كبير وده بداية الطريق والى الامام دائما
الف مبروووووووووووك يا سومة وعقباااااالى كده فى قبضية حلوة اجمل جاحة فى الحياة انك تقابلى ناس بتحبك وتشجعك لوجه الله ربنا يوفقك ويوفقنى انتى صحيح تبع جرنال ايه ؟ سلااااااامى
Heyy Mrs.Asmaa
وحشتينى جدا
الف مبروك عل القبض يا اجمد صحفية فى مصر
بجد الف مبروك والله فرحتلك بس ليا عزومة فى KFC or Mc
اما نشوف هتعزمينى ولا لا
تحياتى صديقتى
سلام
مبرووووووك علي المرتب
سعيد جدا بسماع هذه الأخبار
وهذا رقم حسابي في السويس ..قصدي سويسرا
090009000
ونقبل بالدولار وباليورو وبالجنيه .. وبالسحتوت كماااااان
ههههههههههههههههههههه
ألف مليون مبروك والله أستاذة أسماء على أول مرتب في حياتك .. أكيد فعلا ليه وقع خاص جدا..فرحان لك حقيقي
ودائما بالتوفيق
تقبلي مروري
اسماء
لم نتمكن من قراءة المدونخانه يوم الخميس ..هل ممكن تكتبى لنا ماذا كان فيهافى مدونة البرنامج ...ومبروك اول مرتب ...
عزيزتنا اسماء
شكرا على موضوعك عن برنامجنا ...وهو شامل وكانه يقرا افكارنا...وان كان لنا ملحوظتان او ثلاثه
اولا هو يذاع التاسعه وعشر دقائق وليس التاسعه
ثانيا رغم انه واضح موهبتك فى الكتابه والألمام بكافة جوانب الموضوع الا ان بالكتابه كام غلطه نحويه مثل ...ومن أخر(والأف ضل احدث)الموضوعات المكتوبه موضوعا والصحيح موضوع...مهم يااسماءوانت فى اول طريق الصحاف ه ان تعتمى بقواعد اللغه وهى وسيلتنا الوحيده للتعبير عن افكارنا
ثالثا:كنت اتوقع ان تذكرى شعارنا المكتوب فى المدونه...ربما فاتك لأنه مكتوب بخط صغير....الشعار يعبر عن احساسنا بخطورة ظاهرة الصحافه الشعبيه المعروفه بالمدونات ...هى فى الحقيقه زلزال اعلامى هز الأرض بقوه من تحت اقدام وسائل الأعلام التقليديه مما دفع مثلا السى ان ان وغيرها الى عمل بلوجات لها او الأستعانه بما فى البلوجات
الحقيقه نحن امام ثوره حطيره فى الأعلام ...قلبت اشياء كثيره راسا على عقب ولا تزال مستمره فى تغيير الخريطه الأعلاميه فضلا عن فيضان القنوات والأذاعات التقليديه ...يكفى ان اى شخص يمكن ان يبدا أذاعه او تيلفزيون بتكاليف قليله على النت ...وكنا من اوائل من توقع كل هذا ووضعنا شعارنا كالتالى:
قبل النت كنا متحدثين محترفين وبعد النت تحولنا الى مستمعين محترفين ...اى اننا نستمع الآن اكثر وبتعمق لما تقوله الصخافه الشعبيه المعروفه بالمدونات...
لقد اصبح هناك فاصل مابين ماقبل النت وما بعدها...تغيرت او يجب ان تتغير مفاهيم كثيره
رابعا هل يمكن الحصول على نسخه من العدد الذى ظهر فيه الموضوع
هل مثلا يمكنك ارساله بالبريد
اسماء اكتبى لنا عنوان بريدك الألكترونىعلى بريدنا لمراسلتك
هنواننا
netonradio@yahoo.com
mk
شكرا ليك بجد
انا برضه شفت تلات شهور جامدين بس الحمد لله
ربنا يوفقك في شغلك يا زُمل
------------------
ربنا يخليك يا بسبس يا جميلة والله فعلا معاك حق واجمل حاجة ان شغلي خلاني اتعرف بمجموعة حلوة وناس فرحت بوجودهم في حياتي
--------------------
الله يبارك فيك يا حسام وزي مقولتلك بقا منيو الخمسة هو الحل
--------------------
كيار الجميلة الله يبارك فيك يا قمر
-------------------
قلم رصاص
ايه الغيبة الطويلة دي
فييييينك من زمان
وحسان السويس اقصد سويسرا بيقبل بالسحتوت المصري والا السويسي اقصد السويسري
هههههههههههههه
الله يبارك فيك
------------------
انت تسال والكمبيوتر يجيب
شكرااااا ع التعليق وبجد
متشكرة جدا على الملاحظات دي
واوعدكم اني ان شاء الله المرات الجاية
اخلي بالي منها
ودعواتكم بقا
ويا ريت تتابعوا الصفحة واي تعليقات بقا يا ريت تقولولي
شكرا جدا ليكم
الف مبروك
بس خليكي واعيه اكتر من كده
يعني دفتر توفير شغال
فيزا كارت شغال برضوا
وكده علشان الحياه تشتغل
هههههههههه
وفقك الله
ودمتي مبدعه
خالد شكرا ليك
وهعمل بالنصيحة بقا
وافتح الدفتر بس تفتكر المرتب هينفع اشيل منه
هههههههههههه
يا عيني علينا
النهاردة قبضت يا جدعان فكرتنى باغنية سعد الصغير اللى مش بحبة النهاردة فرحى يا جدعان مبررررررررررروك يا سمس وطبعا احنا اتعزمنا خلاص واحنا اللىىخلصنا ليكى المرتب بس معلش المرة الجاية اوعدك هنخلصة بردو يعنى ههههههههه ومبروك يا سمسم يا جميلة وعقبال المليار جنية
إرسال تعليق