الجمعة، 3 يوليو 2009

وحشتوني

ياااااااااااااه
بقالي كتير جدا بعيدة عن المدونة
بس خلاص بقا عدينا المشاغل
وعدنا مرة اخرى اهوو
جايين نقول كلام بقا مهم
الا هو ليه فيه مدونين بيقفلوا مدوناتهم مرة واحدة فجاة كده نلاقي المدونة مش موجودة او تتحول لمدونة سرية يعني مسموح الدخول لناس معينة بس فيها
وليه مدونات كتير جديدة كويسة وتعليقات القراء فيها قليلة اوي ساعات بتوصل صفر
؟؟؟؟؟؟؟

هناك 9 تعليقات:

قلم رصاص يقول...

السلام عليكم ورحمة الله وبركاته

أولا حمدلله على السلامة أستاذة أسماء

أخيرا نورتي مدونتك من تاني

ويارب بالتوفيق دائما

ولي كل الشرف ان اكون اول تعليق عندك

في حفظ الله

mohamed ghalia يقول...

معاكى حق يا اسماء موضوع قفل المدونات حاجة غريبة وظاهرة انتشرت
وفى مدونات فعلا تستحق الإهتمام مفيش عليها اى تعليق
يمكن عشان عالم التدوين فى جزء مجاملات
يعنى تعلق عندى واعلق عندك

حلم بيعافر يقول...

بيقفلوا عشان.......
مش عارف بصراحة
بس على فكرة المدونة مسئولية مكنتش اعرف حجمها غير لما بدات ادون
يعنى هو المدون مش من حقه يقفل كده وميكتبش مرة واحدة
لازم يبقى فيه احترام للى بيتابعه ع الاقل
حكاية قلة التعليقات
والله اوقات بتبقى الناس مشغولة جامد فبتتدخل تقرى بس ومتعلقش
واوقات تانية بتبقى مجاملة زى مالتليق اللى فات قال كده

Kiara يقول...

وانتي كمان وحشتيناااااااااااااااااااااااااااا

اما بقي اسئلتك

الغلق عادي نفسيه تبحانه ولما بيروقوا بيفتحوها

ماهو احنا مبنجيش غير علي البردعه :)

اما الخاص بيكون عاوزين ناس معينه تشوف كتابتنا زي يوميات مولان الخاصة مثلا

كدا يعني

اما قلة الكومنتات فدي لان الشخص نفسه مش بيروح لحد وبتالي الحد مش بيعرفه بس :)

الازهرى يقول...

اما بخصوص قفل المدونات
فلا تعليق
لان انا نفسى مش فاهم

انما بخصوص الصفر فى التعليقات
فده بيرجع للدعاية وانت فى الصحافة وعارفة
يعنى تلاقى الواحد افكاره جميلة جدا
لكن بيكتبها من غير ما يروح عند حد او يقول لاى حد انه موجود

غير معرف يقول...

أنا بجد فرحانة اوى لانى وقعت فى المدونة دى :)


أهلا بيكى


بصى يا ستى
بالنسبة للناس اللى بتقفل مدونتها فجأة فده لانها بتكون أتخنقت من بعض الاشخاص و تعبت من كتر الضغط عليها و لاون ده عمره ما كان عذر لأن بمجرد ما حد دخل التدوين و بقى فى ناس بتابعه و بتحبه و بتشوف اخباره يبقى مينفعش انه يسيب الناس دى كدة من غير لا حس و لا خبر و إلا مكنش دخل العالم ده من اساسه..حتى لو حد تعب من التدوين أو شايف انه مش قادر يكمل لأى سبب من الاسباب..على الأقل يقول يا جماعه أنا ماشى و حقفل المدونة..متهيألى حتكون اشيك و يا سلام بقى لو قال السبب يبقى احسن و احسن على الاقل حنشاركه اللى هو فيه و ممكن كمان نغير وجهته..لكن انا بجد بتضايق اوى من اللى يسيب المدونة كدة أو فجأة يقلب مدونته سرية..ليه طيب !!!

أما بالنسبة للمدونات الكويسة و مش فيها تعليقات..فا متهيالى لأن المدونات دى ممكن صاحبها او صحبتها مش بيدخلوا مدونات كتير و محدش بيعرفهم...لكن بالعكس ده الواحد ما بيصدق يلاقى مدونة حلوة عشان يتابعها


تحياتى

clownlover يقول...

لسه في البداية ولسه مجربتش ان ناس متعلقش ولا اني اقفل المدونة
انا جديد في عالم التدوين ارجو المتابعة

عماد خلاف يقول...

السلام عليكم ورحمة الله وبركاته
الى امام دائما وحمد على السلامة على العودة
اتمنى التواصل

خالد فوده يقول...

يا اهلا يا اهلا
حمدا لله علي السلامه
مفتقدينكم من زماااااااااان
من زمان مش بتفتحي الميل ليه
ياااارب يكون خير

-------------------------------
اما عن موضوع قفل المدونات
فأنا عاصرت حاجات زي دي

واحد صحبي قفل مدونته بسبب تعليق وااحد باايخ علي تدوينه له

وفيه اللي كان عامل مدونته كده وخلاص علي اساس انها موضه فلما لقي انه مش عارف يكمل .. قفلها

وفيه بعض البنات اللي بتكتب عن اسرارها الشخصيه وعلاقتها العاطفيه ومش بتسمح لحد يشوفها الا عدد من صحابها فقط

وفيه ناااس زي حلاتي كده عامل مدونه للفضفضه مع نفسي (أجنده خاصه )
بكتب فيها حاجات مش سامح لاي حد يقرأ فيها غير نفسي بعد عمر طويل ان شاء الله
زي اشعار هبل في هبل .. بكلم حد مش موجود .. فتاه الاحلام وهكذا

وووبس